STARK Webshop-imi niuernermi piumasaqaatit /malitassat

 

Annertussusaa

Inuit kikkulluunniit aamma inuutissarsiummik ingerlataqartut STARK Webshop-imi niuersinnaapput.

STARK Webshopimi inuinnarnut tunisinermi piumasaqaatit makku atuupput. Inuutissarsiutigalugu ingerlataqartunut STARK webshopimi  nioqqutissanik illuliornermilu atortussanik pisititsinermi nassiussinermilu piumasaqaatit nalinginnaasut (DB20) atuuttuupput. Taamaattumik niuernermi piumasaqaatit uku inuutissarsiutigalugu ingerlatsisunut atuutinngillat, allannguummik immikkut ersarissumik nalunaaruteqartoqarsimanngippat.

 

Danmarkimi nassiussisarneq

STARK webshopimi taamaallaat Danmarkimi ingerlatassanik niuertoqarsinnaavoq, qeqertalli ikaartarfinnik attaveqanngitsut, Kalaallit Nunaat Savalimmiullu, immikkut ittumik aaqqisuusiffigineqarsinnaapput.

Qaqugukkut nioqqutissat tiguneqassasut takuneqarsinnaavoq inniminniinermi, pisiat akilinnginneranni.

Nioqqutissat, ulluinnarni, tassa ataasingornemit tallimanngornermut nal. 16.00 tikitsinnagu inniminnikkat sapinngisaq naapertorlugu aqaguani tiguneqarsinnaasarput,  immikkut ittumik isumaqatigiissuteqarsimanngippat.

Pisiariniakkat nungussimatillugit taarsiisinnaanermut piginnaatinneq.

Soorunami nioqqutissat nungussinnaapput. Taamaattoqartillugu neqeroorutaasarpoq pisiariniakkap pitsaaqataanik taarsiinissaq imaluunniit aningaasat utertinnissaat.

 

Nioqqutissat akii

Nittartakkami nioqqutissap nalaani akia allassimasarpoq. Akia moms ilanngullugu nalunaarsimasarpoq, angallannerali akitsuutillu ilaanatik. Nioqqutissap pisiarinerani akia akiligassaavoq. STARK Webshop-imi nioqqutissat akiisa STARK-ip  pisiniarfiini akit malippaat, assigiinngissinnaasarpulli soorlu nittarsaassinerni, ussassaarutini, sinnikuerniarnerni assigisaannilu. 

 

Nassiussuineq /Assartuineq

Nassiussueriaaseq assartueriaaserlu sorleq atorneqassasoq STARK Webshop-ip aalajangertarpaa, ilaatigummi nioqqutissat aserujasut aamma /imaluunniit qajannartunik puullit isumannaallisartariaqartarmata. Malugiuk pisiariniakkat firmanit angallassisartunit arlalinnit ingerlanneqaratarsinnaammat, pisiavit suussusai apeqqutaalluni. Angallassisartut sorliit atornerivut paaserusukkukku  pisinianut saaffiginnittarfipput (kundeservice) attavigisinnaavat.

Usit tamalaat palleniittullu apuutsinnagit qaqugukkut tikiunnissaat ingerlassisumit ilisimatitsissutigineqartarpoq SMS, oqarasuaat e-maililuunniit atorlugit. Usit tamalaat palleniittullu pisuinnaat aqqutaata killinganut niuneqartarput. Poortuutai illit nammineq tamaannga piigassaraatit.

 

Nioqqutissat ima "Frit leveret/fragtfrit” tassungaluunniit assingusumik nalunaaqutallit pisuinnaat aqqutaata killinganut STARK-imit inissinneqartarput. Taamaattoqartillugu piffissaq tunniussiffissaq eqqorluartoq STARK Webshop-ip nalunaarutigisinnaaneq ajorpaa. STARK Webshop-ip naatsorsuutigisarpaa pisianik niusivissaq inissiivigiuminartuussasoq. 

 

Biilinik ingerlatsisup nalilertarpaa nuna ilitsivissani ingerlaffigineqarsinnaanersoq niutsivissatullu piukkunnarnersoq. Biilinik ingerlatsisoq inissianut eqqussuisinnaanngilaq. Tamanna illit akisussaaffigaat.

Pisiat tamarmik apuunniarneqartarput ulluinnarni nal. 08.00 – 16.00.

Pisiat ingerlannerisa akiat inniminniinermi, suli akiliitinnani takuneqarsinnaasarpoq.

 

Pisiamik aallerneq (”Click and Collect”)

Pisiassannik inniminniinerni toqqarsinnaavat 'Afhent i forretning' (Click & Collect), tassa nammineq pisiniarfimmi aallersinnaaneq. Tassani nalunaarlugu toqqassavat STARK-ip pisiniarfia sorleq aallerfigissagit. Pisiat aaneqarsinnaanngorpat STARK-imit Sms-imik e-mailimillu  nassinneqassaatit e-maili telefonillu normua inniminniinerni nalunaarutigisatit atorlugit. Taassuma kingorna STARK Webshop-ip akissatit kontornit tigussavai. Taannali nioqqutissanut immikkut sanatitanut atunngilaq. Taamaattoqartillugu nioqqutissap sanallugu aallartinnerani akiliisitsisoqartarpoq.

Pisiavit aanerini takutissavatit STARK Webshop-imit emailisiat aamma/imaluunniit SMS-isiat illiuninnullu uppernarsaat assitalik. Nioqqutit nammineq aasassat aaneqareersimassapput kingusinnerpaamik aaneqarsinnaanerannik nalunaarutisinermiit ullut 30-it qaangiutsinnagit. Taakku qaangerpata pisisutut piginnaatitaaffitit annaassavatit.

Uuma qulaaniittut ”Afhentning (Click and Collect)” inuutissarsiutigalugu ingerlataqartunut aamma atuuppoq.

 

Akiliineq

Kortimik akiliineq akitsuutitaqanngilaq

Akiliinermi nuussineq ingerlasarpoq isumannaatsumik paasiuminaallisakkamik SSL-atassuteqaat (Secure Socket Layer) aqqutigalugu.

Akiliutissaq kortimit tiguneqartarpoq siusinnerpaamik nioqqutissat STARK Webshop- imit nassiunneqareerpata / aaneqarsinnaanerat ersarissumik nalunaarutigineqareerpat. Immikkut sanatitanik pisinermi suliassap aallartinneranili  STARK Webshop akiliisitsisinnaavoq, tamanna illit akuerisimagukku.

STARK Webshop-imi pisiat Netbank-ikkut akilerneqarsinnaanngillat.

STARK Webshop-imi gavekort akiliutigineqarsinnaanngilaq, taamaallaalli STARK-ip pisiniarfiani pisissutigineqarsinnaalluni.

 

Maalaarsinnaaneq utertitsisinnaanerlu

Maalaarsinnaaneq

Nioqqutissaq STARK Webshop-imi pisiaq pillugu pissuteqarluarluni piffissarlu eqqorlugu naammagittaalliortoqartillugu STARK Webshop makku arlaannik iliuuseqarsinnaavoq, tamatigulli malittarineqassaaq den danske købelovgivning, saneqqunneqarsinnaanani atuuttoq:

Pisiaq taarserlugu

Pisiaq iluarsaallugu/pitsanngorsarlugu,

Akii utertillugit.

 

STARK Webshop-imi pisiat pillugu maalaaruteqarsinnaavutit uunga STARK Webshop tlf.: 8252 2222 imaluunniit mailerlutit uunga: webshop@STARK.dk, ilanngutissavatit akiliininnut uppernarsaat aamma /imaluunniit maalaarutigisavit ersarissumik nassuiarnera.

                                                                                                                                        

Aamma periarfissaavoq STARK-ip pisiniarfianukarnissaq pisiaq pisinermullu uppernarsaat nassarlugit. Maalaarneq købelov-imi malitassat maalaarnermut tunngasut malillugit ingerlanneqassaaq. Maalaarneq pissaaq maalaarutissap malugineraniit piffissaq sivitsorpallaartinnagu, kingusinnerpaamilli pisinermiit ukiut marluk qaangiutsinnagit, inatsisit allanik piumasaqaateqanngippata. Kukkunerup malugineraniit qaammatit marluk qaangiutsinnagit maalaaruit tamanna piffissamik eqquineruvoq. STARK Webshopimut utertitsinermi nassiussinerup akia pisisup akilertarpaa. Maalaarneq tunngavissaqarpat piffissarlu eqqorlugu nalunaarutigineqarpat nassiunnerani aningaasartuutit STARK Webshopip taarsertarpai.  Pisiap taartaata imaluunniit pisiap iluarsisap pisisumut utertinnerani nassiunnera STARK Webshopip akilissavaa. Pisisulli nammineq nassiussineq akilissavaa maalaarneq tunngavissaqarsimanngippat piffissamillu eqquinngippat.

 

Pisiap akia pisisumut utertinneqassaguni aningaasanngorlugu tunniunneqassaaq, pisisoq STARK-ip pisiniarfiisa arlaannut saaffiginnissimappat. Pisiaq STARK Webshopimut utertinneqarpat akia kreditkort-kontomut pisissutigineqartumut utertinneqassaaq,                 

 

Utertitsisinnaaneq

Inuinnaat STARK Webshopimi pisisut ullut 14-it qaangiutsinnagit utertitsisinnaatitaapput.

 

Utertitsisinnaaneq atuuppoq pisiap tiguneranit ullut 14 qaangiutsinnagit,

• pisiap kingulliup tiguneranit, isumaqatigiissuteqarsimappat pisiariniakkat assigiinngitsut pisiariniarlugit ataatsikkut nalunaarutigisat immikkuutaarlutik nassiunneqarsinnaasut,
• imaluunniit immikkuutaartut kingullersaat, isumaqatigiissuteqarsimappat immikkuutaartutataatsikkut nassiuttariaqanngitsut.

 

Pisiavit tigunerannit ullut 14 qaangiutsinnagit pisinerit peqqissimissutigisimagit nalunaarfigissavatsigut. Tamanna nalunaarutigissavat ugguuna tlf: 82522222 imaluunniit mailikkut: webshop@STARK.dk.  Nalunaarninni ersarissumik paasitissavatsigut utertitsisinnaatitaanerit atorniarit. Sullinneqarnerit ajornannginnerullunilu sukkanerussaaq ordrebekræftelse ilanngullugu nassiukkukku.

 

Pisiaq tigujumanngiinnaraanni uatsinnulli ersarissumik nalunaaruteqarani tamanna utertitsinertut naatsorsuutigineqarsinnaanngilaq. 

Pisiat utertissavat pisariaqanngitsumik kinguarsarnagu, kingusinnerpaamik pisiannik utertitsiniarlutit nalunaarnerniiit ullut 14-it qaangiunneranni. Pisiap utertinnerani aningaasartuutit illit akilissavatit.

Pisiap utertinnerani isumannaatsumik poortorsimanissaa illit akisussaaffigaat.

Pisiap tunniunneraniit ajutooratarsinnaanera akisussaaffigaat.

 

Pisiat utertinneqarsinnaanngitsut

 

1. Nioqqutissat pisisup kissaataa malillugu sanaat imaluunniit pisisunit ataasiakkaanit sunniuteqarfigineqarsimasut.

2. Nioqqutissat ajorsilertornissamik pisoqalilertornissamillu ilimanaatillit.

3. Nioqqutissat naqissusikkat, peqqinnissaq eqqiluisaarnerlu eqqarsaatigalugit utertinneqarnissamut naleqqutinngitsut, aamma tigullugit ammarneqarsimasut.

   

Utertitsisinnaajunnaassaatit

 

-     Nioqqutissat naqissusikkat, peqqinnissaq eqqiluisaarnerlu eqqarsaatigalugit utertinneqarnissamut naleqqutinngitsut

      ammarsimagukkit, naqissusernerat peerlugu.

 

Nioqqutissap nalikillisimanera illit akilissavat suunerata, pisinnaasaasa, qanoq atorneqartarnerata paasiniarnerata  killingatigut allatut iliuuseqarfigisimagukku. Akia tamaat utertissagukku pisiniarfimmitutut iliortariaqarputit, tassa nioqqutissaq misilissinnaavat - atornaguli.

Pisiat utertikkukku soorunami akiliutigisimasat utertoorutigissavat. Nalikillisissimagukkuli nalikillinerata nalinga utertoorutissannut annikillissutaassaaq.

 

Utertitsisinnaatitaanerit eqqortumik atorukku, akiliutigisimaasatit tamaasa utertissavagut nassiunnerinut akit ilanngullugit (allaaneruvorli nassiusseriaaseq illit nammineq qinikkat uagut nalinginnaasumik atortakkatsinnit akisuneruppat ) pisariaqanngitsumik kinguarsarnagu, kingusinnerpaamik pisiannik utertitsiniarlutit nalunaarnerniiit ullut 14-it qaangiunneranni isumagisassat isumagisimagukkit. Akiliutinik utertitsinitsinni aningaasanik ingerlatseriaaseq illit aakiliininni atorsimasat atortarparput, allarluinnarmik erseqqivissumik isumaqatigiissuteqarfigisimanngikkutsigit.

Utertoorutissatit utaqqissinnaavagut nioqqutissap tigunissaata tungaanut, nassiussimaneranut allagartamik uppernarsaammik nassereersimanngikkutsigut.

 

Pisiap suussusia sumi utertinnissaanut apeqqutaavoq. Taamaattumik inassutigerusupparput STARK Webshop-ip saaffiginnittarfia attavigissagit. Tamatigulli utertitsisinnaavutit ersarissumik nalunaarlutit STARK-ip pisiniarfiisa arlaannut saaffiginnikkuit. Tamatigut eqqaamassat kvittering imaluunniit ordfebekræftelse nassassagakkit nassiullugilluunniit.

Malugiuk! Poortukkanik tiguneranni akiligassatut nassiussanik tigusineq ajorpugut.

 

Suliffeqarfiit assigiinngitsut nalinginnaasumik utertitsisinnaanngillat, taamaallaalli allaganngorlugu STARK-imut isumaqatigiissuteqarsimagunik.

 

Kukkusumik nassiussineq

STARK Webshop-ip kukkulluni nioqqutissamik inniminnigarnik allaanerusumik nassissimappatit taava nioqqutissap utertillugu nassiunnerani aningaasartuutitit STARK Webshop-ip taarsissavai kreditkort-konto akiliinnerni atorsimasat aqqutigalugu. Pisiarisimasalli STARK-ip pisiniarfiisa arlaannut utertikkukku taava nassiunneranut akiliutigisimasatit aningaasanngorlugit utertoorutigissavatit.

 

Kinaassutsimut tunngasut

STARK Webshop -imi atuupput tatigeqatigiinnermut tunngasut niueqatigiinnermi malinneqartartut. Taakku aamma atuupput STARK-ip nittartagaani www.STARK.dk Internettimi atorneqarput atuarneqarsinnaallutik uani Om STARK, Fortrolighedspolitik.

Qaqugukkulluunniit STARK-imut saaffiginnissinnaavutit paasissutissat ilinnut tunngasut suut piginerivut paasiniaallutit. Aamma qaqugukkulluunniit ilinnut paasissutissaativut uparuarsinnaavatit, kukkusoqarpata naqqiillutit peernissaannilluunniit kissaateqarlutit.

Naatsorsuuserinermili malittarisassat malillugit ”Faktureringsoplysninger” inniminniinerni nalunaarutigisatit toqqortariaqartarpavut,  malittarisassavut malillugit ukiup pisiffiusup naaneranit ukiut tallimat toqqorsimasussaavagut.

 

Naatsorsuutigisinnaanngisanik pisoqartillugu

Naatsorsuutigisinnaanngisamik pisoqartillugu kingusinaarnerit nassiussalluunniit amigaateqarneri STARK-ip

qanoq iliuuseqarfigisinnaanngilai. 

 

Maalaarsinnaaneq

Nioqqutissamut kiffartuunneqarnermulluunniit tunngasunik maalaarniaruit  STARK Webshop kundeservice saaffigeqqaassavat (takuuk saaffissat allattorsimaffiat ataaniittoq) . Kissaatigisattut iluarsiisoqanngippat uunga saaffiginnissinnaavutit: Center for Klageløsning i Konkurrence- og Forbrugerstyrelsen, adressea Nævnenes Hus, Toldboden 2, 8800 Viborg.

 

Aamma periarfissaqarputit uunga saaffiginninnissamut Center for Klageløsning via www.forbrug.dk.

 

Europa-Kommissionens online klageportal aamma naammagittaalliorfigineqarsinnaavoq, pingaartumik atuisunut EU-mi nunami allami najugalinnut.

Naamagittaalliut uunga ingerlanneqassaaq - http://ec.europa.eu/odr.

 

Saaffissat

STARK Webshop uani attavigineqarsinnaavoq:

 

Adresse: STARK Webshop, Skanderborgvej 277, 8260 Viby J.

Email: webshop@STARK.dk Tlf. 8252 2222.

 

STARK  uani immikkoortortaavoq:  STARK GROUP a/s, Gladsaxe, CVR-nr. 55 82 84 15    

     

Atuutilernera

Niuvernermi nassiussuinermilu malitassat uku atuutilerput 1.juni 2017 , ulloq taannamiillu STARK Webshop-imi pisiniarnerni tamani atulerlutik.